عم جرب الفت نظرك ::: أيهم العاني
عم جرب الفت نظرك وفهمك يللي صار
عن بلد احترقت كلها وبعدها تحت الحصار
يا ترى كنت بتعرف وشايف حجم الدمار
لما الارادة اجتمعت واخدتو القرار
بتمنى تكون مقدر وبتعرف عالاكيد
شو يعني طوايف وشرق اوسط جديد
بركي بخبر قبورهن وببشرهن عالعيد
انو المستر طلع بيعرف وحاسبها لبعيد
شو بدك تحكي بكرة للكتب والسطور
خربتها وقسمتها بس عملت دستور
دستور بينفع تلبسو او تاكلو عالسحور
وبتضوي فيه عتم الغرفة لما بيئطعو النور
ليست هناك تعليقات:
إرسال تعليق